Akwazakali ukuba kuzakuba lengquguko kobudlelwano phakathi kwele Zimbabwe lele South Africa kungabunjwa uhulumende womanyano kulandela ukwehluleka kwebandla leAfrican National Congress (ANC) ukuthola amavoti eneleyo okubumba uhulumende lizimele.
Selizama ukukhulumisana leziphathamandla zamabandla agoqela ele-Economic Freedom Fighters, uMkhonto weSizwe, Democratic Alliance lamanye ukuze kubunjwe uhulumende womanyano.
Amabandla la aphikisayo athi angeke angene kuhulumende kanye kanye ngoba alenhlelo ezitshiyeneyo. Abacubungula ezombusazwe bathi ukwehlukana kwenhlelo zamabandla aphikisayo kanye lele ANC kungenza kube lenguquko yokudlelana kwele Zimbabwe lele South Africa.
Kasenelisanga ukuxoxa ngodaba lolu leziphathamandla zikahulumende weZimbabwe ebezingaphenduli omakhalekhukhwini.
Sixoxe loMnu. Ngqabutho Mabhena, umngcinisihlalo wenhlanganiso yeZimbabwe Community in South Africa, othi kusakude phambili ukuba kwazakale okuzakwenzakala kungabunjwa uhulumende womanyano.
SEE ALSO:
Ingxoxo Esiyenze loMnu. Ngqabutho Mabhena