Udaba olwethulelwe umthethwandaba womhlaba ngele South Africa elethesa umlandu wombhuqazwe ele Israel beluthethwa izolo e-Hague kwele Netherlands.
Iqula le South Africa elisemthethwandaba we International Court of Justice likhokhelwa ngumphathintambo wezemithetho, uMnu. Ronald Lamola.
Ele Israel lithi lihlasela ele Palestine liphindisela ukuhlaselwa elakwenziwa ngamabutho e-Hamas awangena kwele Israel nyakenye abulala abantu abedlula amakhulu ayisithupha kwathunjwa abangamakhulu amathathu.
Kodwa ele South Africa lithi ukubulala mahlayana abantu bakwele Palestine abedlula izinkulungwane ezingamatshumi amabili, 23 357 osekwenziwe ngele Israel yikwephula isivumelwano sokuvimba umbhuqazwe esasayinwa ngamazwe omhlaba ngomnyaka ka 1948 agoqela ele Israel.
Ele Israel lona likhangelelwe ukupha ubufakazi bokuzivikela kuloludaba namuhla.
Ukuhlaziya loludaba sixoxe locubungula ezombusazwe, uMnu. Jethro Mpofu.