WASHINGTON DC —
EleMelika ngoLwesine linanza iminyaka engamakhulu amabili lengxenye - 248 lithole uzibuse.
Izigidi lezigidi zezizalwane zeMelika zikhangelelwe ukubukela ama-fireworks - okungumkhuba oqhutshwa minyaka yonke kulelilizwe.
Umongameli Joe Biden lomkakhe uJill Biden bazathakazelela lelilanga belemuli zabebutho, kuyikho lapho uBiden akhangelelwe ukuthi akhuphe umbiko wakhe ohambelana losuku lolu.
UBiden lomkakhe labo bazabukela ama-fireworks lozulu eNational Mall.
IMelika yathola uzibuse wayo mhlaka 4 Ntulikazi ngomnyaka ka1776 kulandela isinqumo seDeclaration of Independence.
Isizalwane seZimbabwe esihlala eMelika, uMnu. Tim Muringai utshele iStudio7 ukuthi lelilanga likhumbuza uzulu ngokuqakatheka kwenkululeko.
SEE ALSO: Ingxoxo loMnu Tim Muringai