EleIsrael leHamas sebekhulule ezinye izibotshwa kanye labathunjiweyo ngesikhathi isivumelwano sokumisa impi okwesikhatshana singene kusuku lwesihlanu ngoLwesibili kulandela ukuqheliswa kwesivumelwano lesi.
Amacele omabili la akhangelelwe ukuthi azaqhubekela phambili ngokuthula namuhla lakusasa.
IQatar yaphathisa ukuthi kwengezelelwe amalanga okuthula, njalo iMelika, ebikhuthaza ukuthi kube lokuthula nxa ababotshiweyo labathunjiweyo bekhululwa, ithi iyamukela ukwengezelelwa kwamalanga okumisa ukulwisana.
Kumalanga amane akuqala iHamas ikhulule abantu be-Israel abangamatshumi amahlanu, i-Israel yona yakhulula amaPhalestina alikhulu lamatshumi amahlanu.
Ekhuluma leStudio7 uMnu Nhlanhla Moses Ncube olandela ezombusazwe njalo engunobhala webandla leFreedom Alliance ukhuthaze amacele omabili ukuthi akhumisane umlotha ukuze kungabi labantu abaqhubekela phambili befela empini.
Your browser doesn’t support HTML5
Ingxoxo loMnu Nhlanhla Moses Ncube.