Liviki kuhlelo oluphathelane lezomnotho welizwe esilethulela lona ngoLwesibili maviki wonke, sixoxa loMnu. Moven Qhelisa Ngwenya, isakhamuzi seDaluka eLupane endawonye loMnu. Busani Ncube, owakhele eTsholotsho njalo owancintisa ezimele kukhetho olwedluleyo olokudinga ozamela lesisigaba edale lephalamende, besichasisela ngendlela abantu abaziphilisa ngayo emaphandleni, ngesikhathi umnotho welizwe ubikwa uqhubeka ubhidlika njalo lendlala ibhahile.
UNgwenya uthi abanengi eDaluka baziphilisa ngokulima ezivandeni besebenzisa uhlelo lokuthelezela. Wengeze ethi abantu besigabeni sakhe abatholi imisebenzi ngakho impilo yabo inzima kakhulu.
Ngakwelinye icele, uMnu. Ncube uthi uhlelo lokugamula izihlala olwe timber esigabeni sakhe lwatshiya sokuligceke njalo labantu bengaselamisebenzi. Uthi ukuswelakala kwamanzi kwenqabela ukuqhubeka kuhle kwenhlelo ezitshiyeneyo eTsholotsho.
Your browser doesn’t support HTML5
Ingxoxo LoMnu. Busani Ncube Endawonye LoMnu. Moven Qhelisa Ngwenya