Ukuswelakala kwemali kwenze ukuthi abantu abanengi koBulawayo behluleke ukuya emakhaya.
Uphenyo olwenziwe yiStudio 7 eRenkini Bus Terminus luveze ukuba laloba amabhasi ephuma esiya emaphandleni lakwamanye amadolobho, uzulu ubamba ngamandla ukuya ekhaya.
Abantu abasesilindweni sebhasi eHarare abazama ukuya emakhaya abo emaphandleni ngesikhathi sePhasika.
Omunye wabakade bese Renkini ezedlulela nje, uMnu. Mayibongwe Khumalo, uthe yena uyehlulekile ukuya ekhaya ngaleli khefu ethi uswele imali.
Omunye njalo, uMnu. Gilbert Ncube, uthe ikhefu bayalibona ikhefu lePhasika kodwa bathwele nzima ngokuswela imali.
Esinye isakhamuzi sakoBulawayo, uMnu. Givemore Zondo, uthe wehlulekile ukuya ekhaya ngokuswela imali.
Owesifazana osebenzela eRenkini endala koBulawayo ocele ukuthi sithi nguMaDlamini uthe ikhefu leli kalikhanyi kahle njalo ibhizimuzi yakhe iphansi.
Uthe bebekhangelele ukuthi inzunzo izaba phezulu kodwa akunjalo.
Ukungasebenzi kukazulu koBulawayo kanye lokusweleka kwemali emabhanga kudumaza amakhefu amanengi. Inengi likazulu liyazisebenza njalo lisuka likhetha ukuthi lizisebenzele emabhizimusini abo kulokuthi bahlale kumbe bavakatshe.
Amabhizimusi amanengi abevuliwe uzulu eziqhubela imisebenzi ehlukeneyo.