Umongameli Robert Mugabe ubikwa esithi akusomlandu wakhe ukuthi adinge intathelizindaba ebikwa yanyamalala ngemva kokuthunjwa ngabantu abangaziwayo, uMnu. Itai Dzamara, kumbe akhulume ngaloludaba, kodwa ngumlandu wengatsha zikahulumende ezigoqela amapholisa, wona azakwethula ugwalo lwe report ngemva kokudingisisa kwawo.
Lokhu kuvezwe yisikhulumeli sakhe uMnu. George Charamba, yena owengezelele wathi udaba lukaMnu. Dzamara solusetshenziswa ngamabandla aphikisayo ukudinga usekelo kwezombusazwe, bencedisana lomanyano we European Union lele Melika, labo asebengenele kuloludaba.
UMnu. Charamba uqhubeke wathi kwamanye amazwe agoqela aphetsheya, abantu bayanyamalala ngezizatho ezitshiyeneyo, kodwa awusoze uzwe udaba lwabo lungenelwa ngamanye amazwe njengokwenziwa ngolukaMnu. Dzamara.
Kodwa uMnu. Charles Nyoni, owayesebenza loItayi Dzamara uyawasola amazwi kaCharamba.
Your browser doesn’t support HTML5
Ingxoxo LoMnu. Charles Nyoni