UMongameli Donald Trump uthi ibutho leMelika selibulele omkhulu wamalwecatha awe Islamic State, uAbu Bakr al-Baghdadi.
UTrump uthi undoda lo ufe ebaleka njangenja elabantwana bakhe abathathu endaweni okubizwa ngokuthi yi-Adlib kwele Syria.
“Izolo ntambama ilizwe leMelika libulele ilwecatsha elidingwa ngamehlo abomvu. UAbu Bakr Al-Baghdadi sefile. Nguye owabumba amalwecatsha aweISIS akade ethwalise nzima abantu. Ilizwe leMelika belileminyaka eminengi limdinga. Simtholile lapho ibutho elingene khona kwele Syria laphuma kungela muntu olimeleyo kumbe ofileyo.”
Your browser doesn’t support HTML5
Okwethulwe NguMongameli Donald Trump
Uthi ibutho lihlasele indawo abecatshe kuyo, wabaleka wangena emlindini wokuziphandela lapho azibulele khona esebona ukuthi uzabanjwa libutho leMelika. UTrump uncome kakhulu okwenziwe nguhulumende wakhe, ikakhulu ibutho athi lizimisele ukudinga amalwecatsha ahlupha kakhulu,
Ingcwethi kwezombusazwe, uMnu. Vumani Moyo, uthi ibutho belivele lidinga undoda lo ngamehlo abomvu.