UMongameli Donald Trump uqhubekela phambili ekhonona ngempumela yokhetho olwenziwa ngoLwezi.
Emadabukakusa wethule umbiko ochothoza idale leSupreme Court elalahla udaba lwakhe olukuthi kumele kuvinjwe amavoti awenziwa kusetshenziswa iposo.
Inkantolo le yathi udaba lwakhe alusoze luhlolisiswe ngoba alulamkantsho. Amadale atshiyeneyo ezabelweni ezibalisa iGeorgia, Michigan, Pennyslvania leWisconsin alahla udaba olufanayo esithi uTrump wanqotshwa nguMnu. Joseph Biden kukhetho olubalulekileyo.
Kodwa uTrump lokhu etshaya phansi ngenduku esithi waqilwa.
Okwamanje uBiden uselungiselela ukungena esikhundleni ngoZibandlela.
Abanye abantu abadabuka eZimbabwe abahlala emazweni atshiyeneyo bathi uBiden kasoze aguqule ezombusazwe eZimbabwe engangena esikhudleni.
Your browser doesn’t support HTML5
UTrump Lokhu Esithi Waqilwa Kukhetho Lukamongameli