Sokulamalanga amabili kuvalwe ezinye inhlangothi zikahulumende weMelika kulandela ukwala kukaMongameli Donald Trump ukuthi avume uluhlu lokusetshenziswa kwemali yeMelika olwethulwe lidale leSenate olungela mabhiliyoni amahlanu okwakha umgcele phakathi kweMelika le Mexico.
Umduli ngowokuvimba abantu bokuza abafisa ukungena okungekho emthethweni elizweni leMelika.
Izisebenzi ezifika inkulungwane ezingamakhulu amane zimiswe umsebenzi ngenxa yokuvalwa kwezinye inhlangothi zikahulumende.
UTrump uthi kasoze avume ukuthi kwethulwe ibudget kungelamali yokwakha umduli phakathi kwamazwe la.
UTrump wathi ekhankasa kukhetho ngomnyaka ka2016 watshela uzulu ukuthi uzakwakhe umduli wokuvimba abantu abangena okungekho emthethweni kwele Melika abavela eMexico.
Wathi ilizwe leMexico lizahlawula imali yokwakha umduli lo. Kodwa-ke okwamanje uthi kumele abantu beMelika bakhokhe imali yokwakha umduli ozavimba abeqela kwele Melika.