Amadokotela athi kawabuyeli emsebenzini uhulumende aze alungise konke okubahluphayo.
Odokotela bafuna ukuthola iholo labo ngama dola eMelika bafuna njalo ukuthi uhulumende athengele izibhedlela imithi etshiyeneyo ukwenzela ukuthi basebenze kahle lokunye okutshiyeneyo.
Udokotela Mthabisi Bhebhe, okunhlanganiso yamadokotela eye Zimbabwe Hospital Doctors’ Association, uthi uhulumende ukhanya engazimiselanga ukukhulumisana labo ngokubahluphayo.
Your browser doesn’t support HTML5
Ingxoxo Esiyenze LoDokotela Mthabisi Bhebhe
UDokotela Xolani Ndlovu, osaphethe isikhundla somqondisi obona ngenhlelo zempilakahle eMpilo Hospital, uthi akuhambi kahle esibhedlela lesi ngoba amadokotela akhalala umsebenzi yilawo afundela umsebenzi lalabo asebehlale kakhulu ezibhedlela.
UNdlovu uthi umelele ukuzwa ngokulumende ukuthi kuqhatshwa njani ikhulumo phakathi kwabodokotela lohulumende.
Kafisanga ukwethula ukuthi kungahamba njani nxa odokotela bengeqhubeka bekhalala umsebenzi.
Your browser doesn’t support HTML5
Ingxoxo Esiyenze LoDokotela Xolani Ndlovu