Odokotela bakhuthaza abantu ukuthi badinge uncedo ezibhedlela bengezwa imizimba yabo ibuhlungu ngesikhathi ilizwe selilabantu abedlula inkulungwane eziyisikhombisa – 7,116 abahlolwa batholakala belomkhuhlane weCOVID-19.
Uhlangothi lwezempilakahle lubika ukuthi kunani leli, kulabantu abedlula inkungwane ezinhlanu – 5,373 asebaphepha kumkhuhlane lo. Abedula amakhulu amabili – 208 – babhubha.
Odokotela bathi kukhanya kulabantu abanengi kulez’insuku abakhwehlelayo ngenxa yamakhaza ngakho-ke kumele badinge uncedo ezibhedlela.
USikhwicamfundo Solwayo Ngwenya, umqondisi wenhlelo eMpilo Hospital, uthi kuqakathekile ukuthi abantu badinge uncedo ezibhedlela ngesiphangiphangi.
Emhlabeni wonke jikelele sokulabantu abafika phose izigidi ezingamatshumi amathathu – 27 million asebehlolwe batholakala bele COVID-19. Sokubhubhe phose abayisigidi – 880,482.
Your browser doesn’t support HTML5
Ingxoxo Esiyenze loSkhwicamfundo Solwayo Ngwenya