Inhlanganiso ezitshiyeneyo ezakwamanye amazwe ezibalisa abammeli bamanye amazwe kwele Zimbabwe zisola ukuthunjwa komkhokheli wenhlanganiso yabodokotela, eyeZimbabwe Hospital Doctors' Association, uDokotela Peter Magombeyi.
Abamele eleMelika leleBhilithane bathi kumele uDokotela Magombeyi akhululwe ngokuphangisa.
Lokhu kwenzakala ngesikhathi elizweni kulezethekeleli ezivalelisa owayengumongameli, uMnu. Robert Mugabe, owabhubhela kwele Singapore.
Uzulu kaphathekanga ngokutshengisela kwabodokotela ngoMvulo ezibhedlela kanye lemigwaqweni.
Ntambama ngoMvulo odokotela bemanyene lozulu mathupha babe lomthandazo esibhedlela seParirenyatwa eHarare bethandazela uDokotela Magombeyi ukuthi atholakale esesimeni esihle.
Sixoxe lesiphathamandla sebandla leMDC, uMnu. Edwin Ndlovu ukuze sizwe imbono yakhe ngaloludaba.
Your browser doesn’t support HTML5
Ingxoxo loMnu. Edwin Ndlovu