Kulesigulane esitholakale silomkhuhlane weCOVID-19 eMpilo Hospital koBulawayo osokwethuse seMpilo osekwethuse abongi labongikazi abaphathise isigulane kusukela mhlaka 18 Nkwenkwezi.
Abongi besibhedlela seMpilo kanye labasebenza ukuthanyela bebehlolwa ngoLwesine kulandela isehlakalo sokutholakala kwesinye sezigulane silomkhuhlane weCOVID-19.
UMnu. Ngqabutho Ncube, omunye wezisebenzi zempilo, uthi umumo oseMpilo unzima ngoba inengi lingatholakala lilomkhuhlane lo.
“Yebo kambe kutholakale inani labantu ababanjwe belecorona lihlelakhuphuka overnight lapha sizwakuthiwa ngabantu ababuya bevela phandle endaweni ezinjenge South Africa laseBotswana kodwa ke nga abantu laba babekele la ade bekhona kulukuthi babalethe elizweni lapha ngoba indlela okuyiyo ilizwe alilungelanga amanani lawa.”
UNcube ongumongi uthi inengi labo lilinde ukuthi lihlolwe ukuthi abatholanga umkhuhlane lo. “Abongi labongikazi kanye labathanyelayo balinde ukuthi batest ukuthi abalawo yini umkhuhlane lo ngoba sikhuluma ngomuntu owangena phakathi esibhedlela wahlala emawardin okwensuku ezifana lokuthi abantu bafika ngolwesihlanu namhlanje sesiphakathi kweviki sokungolwesine .Umuntu seqede iviki ehlala labantu ephila labantu kuyingozi enkulu leyo ngoba abantu bayabe bewuthwala behamba lawo ezindlini.”
Isakhamuzi sakoBulawayo, uMnu. Mthokozisi Moyo, uthi ukuqansa kwenani labagulayo kuveza ukuba uzulu usengozini.
“Silokwesaba okukhulu ngamacases lawa njengomphakathi silokwesaba inani ukuze kungamametheki ngamanani aphezulu ngoba ma sikhangela ngendlela okumemetheka ngakhona kutshengisela ukuthi asivikelekanga njengomphakathi.”
Umqondisi wesibhedlela seMpilo, uDokotela Solwayo Ngwenya, uthi kulabantu abane asebetholakale belomkhuhlane weCOVID-19 eMpilo.
"Khonapha esibhedlela seMpilo sesithole ukuthi kulabantu abane abalomkhuhlane weCoronavirus sesithethe amacebo okuthi bancediswe abantu lokuvikela ukuthi ungamemetheki. Njengesbhedlela esikhulu silakho ukuthi abantu bayabuya njalo sizabe silokhe sithola ukuthi abantu bayagula ngoba akwenzi ukuthi sixotshe abantu."
Loba kunjalo abesibedlela seMpilo bakhuthaza uzulu ukuthi angesabi ukuza esibhedlela ukuzokwelatshwa ngenxa yokutholakala kwabanye abongi beleCovid 19.
Your browser doesn’t support HTML5
Bethukile Abongi eMpilo Hospital