Umkhuhlane weCOVID-19 usubulele abantu phose abangamatshumi ayisikhombisa - 69 phakathi kwabedlula inkulungwane ezintathu lengxenye – 3,659 asebehlolwe batholakala belomkhuhlane lo eZimbabwe. Kulababili ababhubhe koBulawayo izolo.
Umkhuhlane weCOVID-19 usubulele abantu abangamatshumi amabili edolobheni leli. Elizweni lonke jikelele abedlula inkulungwane – 1,011 sebephephile kumkhuhlane weCOVD-19.
Abantu bakhala ngokutshiyeneyo ngesikhathi uhulumende elwisana lomkhuhlane weCOVID-19. Isakhamuzi seCowdray Park koBulawayo, esingafisi ukuziveza igama, ngomunye wabakhala kakhulu ngomkhuhlane weCOVID-19.
Uthi umakhelwane wakhe ongumongi utholakale elegciwane lomkhuhlane lo kodwa abantwana bakhe badlala labanye elokitshini leli okulakho ukumemethekisa iCoronavirus.
UMnu. Robert Sibanda, ohlala eGokwe, laye uyakhala esithi kuyethusa ukumemetheka kwegciwane leli.
UNdlovu uthi abantu babhekane lendlala eyethusayo ngesikhathi limemetheka igciwane leCOVID-19.
Omunye njalo umlalelo weStudio 7 uthi kumele abantu banathe okungabaqinisa umzimba ukwenzela ukuzivikela kumkhuhlane lo.
Uhulumende uthi kuqakathekile ukuthi abantu balandele iziqondiso zohlelo lokuvalela uzulu ezindlini olweCOVID-19 lockdown ukwenzela ukuvimba ukumemetheka komkhuhlane weCoronavirus.
Your browser doesn’t support HTML5
Umkhuhlane weCOVID-19 Uthwalise Nzima Abantu eZimbabwe