Umemetheka okwethusayo umkhuhlane weCoronavirus eZimbabwe okulabantu phose abafika inkulungwane – 982 asebehlolwe batholakala belomkhuhlane weCOVID-19.
Odokotela bathi kumele abantu bahlale ezindlini kumbe uhulumende aqinise uhlelo lokuvalela uzulu ezindlini kusenzelwa ukunqabela ukumemetheka komkhuhlane lo. Uhlangothi lwezempilakahle lubika ukuthi selikhuphuka inani labatholakala belomkhuhlane lo phakathi kwabantu abahlala eZimbabwe. Uhlangothi lolu luthi kulabezempilakahle asebetholakale belomkhuhlane lo koBulawayo lezinye indawo eMatabeleland.
UDokotela Solwayo Ngwenya, obona ngenhlelo ezitshiyeneyo eMpilo Hospital, uthi kukhanya engani uhulumende uzakwethula olunye uhlelo lokuvalela abantu ezindlini ukwenzela ukuvimba ukumemetheka komkhuhlane lo.
UMongameli Emmerson Mnangagwa usanda kubikela abantu eZimbabwe ukuthi ulakho ukuqinisa iziqondiso zohlelo lokuvalela abantu ezindlini ngenxa yokumemetheka komkhuhlane weCOVID-19. UDokotela Ngwenya uthi abantu kabalandeli uhlelo lolu ngemfanelo.
UDokotela Ngwenya uthi kumele balandele okufiswa nguhulumende.
Kulabantu abanengi abethuswa yikumemetheka komkhuhlane lo. Omunye wabo nguNkosazana Carolyn Moyo.
UMnu. Mthokozisi Moyo ulombono ofanayo.
UMnu. Thabani Mhlaba uthi unatha okutshiyeneyo ukwenzela ukuzivikela kukhuhlane weCOVID-19.
Umkhuhlane lo usubulele abantu abafika phose amatshumi amabili – 18 kuthi njalo abedlula amakhulu amathathu – 320 sebesilile.
Isibhedlela seJohns Hopkins University sibika ukuthi sokulabantu abafika phose izigidi ezilitshumi lantathu – 12,740,971 asebahlolwa batholakala bele COVID-19 emhlabeni wonke jikelele.
Abantu abafika phose amakhulu ayisithupha 565,716 sebabhubha.
Kwele Melika, kulabantu abedlula izigidi ezintathu asebetholakala belomkhuhlane lo. Phakathi kwabantu laba sokubhubha abedlula inkulungwane ezilikhulu lamatshumi amathathu – 134,815.
Your browser doesn’t support HTML5
Bakhala Ngomkhuhlane weCOVID-19