WASHINGTON DC —
Uhulumende usethule isiqondiso sokuthi wonke umuntu owakhele endaweni ezingekho emthethweni edholobheni leChitungwiza lakukhansili ye Manyame Rural District Council kumele azidilizele lezo zindlu.
Lokhu okubikwa kumele kwenziwe phakathi kwamaviki amathathu alandelayo kubikwa kuzathinta izakhamizi ezingaba zinkulungwane ezedlula ezine. Izindlu okuzamele zidilizwe yilezo ezakhelwe emaxaphozini, phezu kwempompi ezithwala amanzi aphuma ezambuzini lalapho okulamapoll amagetsi.
Uhulumende ubika ukuba izindlu lezi zakhiwa ngabantu ababhadala inkalalakatha yezimali ukuthenga izithanda ebantwini ababengamelanga babe indawo lezo. Umantshi weChitungwiza wethule isinqumo ngoLwesihlanu sokwalisa ikhansili yalelo dolobho ukuthi iqhubeke idilizela abantu lezo zindlu ezibikwa zakhelwe endaweni ezingalungelanga ukuhlala abantu.
Umayor wechitungwiza umnumzana Phillip Mutoti utshele iStudio Seven ukuthi umpathintambo wentuthutko yezabelo umnumzana Ignatious Chombo ukhanya engabuyeli muva ngesiqondiso sakhe sokuthi kudilizwe lezi zindlu ngemva kwamaviki amathathu nxa abanini bazo bengazidilizelanga.
Uqhubeke ethi laba bantu sebetholelwe indawo ephulazini leNyatsime okulinyathelo elisolwa ngabanengi ngoba lindawo ingalungiselelwanga ukuthi ihlale abantu kayila migwaqo, amanzi izambuzi lokunye okunengi.
Lokhu okubikwa kumele kwenziwe phakathi kwamaviki amathathu alandelayo kubikwa kuzathinta izakhamizi ezingaba zinkulungwane ezedlula ezine. Izindlu okuzamele zidilizwe yilezo ezakhelwe emaxaphozini, phezu kwempompi ezithwala amanzi aphuma ezambuzini lalapho okulamapoll amagetsi.
Uhulumende ubika ukuba izindlu lezi zakhiwa ngabantu ababhadala inkalalakatha yezimali ukuthenga izithanda ebantwini ababengamelanga babe indawo lezo. Umantshi weChitungwiza wethule isinqumo ngoLwesihlanu sokwalisa ikhansili yalelo dolobho ukuthi iqhubeke idilizela abantu lezo zindlu ezibikwa zakhelwe endaweni ezingalungelanga ukuhlala abantu.
Umayor wechitungwiza umnumzana Phillip Mutoti utshele iStudio Seven ukuthi umpathintambo wentuthutko yezabelo umnumzana Ignatious Chombo ukhanya engabuyeli muva ngesiqondiso sakhe sokuthi kudilizwe lezi zindlu ngemva kwamaviki amathathu nxa abanini bazo bengazidilizelanga.
Uqhubeke ethi laba bantu sebetholelwe indawo ephulazini leNyatsime okulinyathelo elisolwa ngabanengi ngoba lindawo ingalungiselelwanga ukuthi ihlale abantu kayila migwaqo, amanzi izambuzi lokunye okunengi.