UNkosazana Carol Moyo, olomzali owatshaywa libutho leGukurahundi ezithwele waswela, uthi usakhumbula mhlophe usuku lolu olumhlupha nsukuzonke.
Uthi amasotsha afika emzini kayise lonina esithi adinga amalwecatsha okwakuzwakale ukuthi adlule kulowomuzi.
Uthi abantu batshaywa okumangalisayo ngamasotsha kahulumende unina wanathiswa umgqomo wamanzi okwamenza ukuthi aswele.
UNkosazana Moyo uthi kungcono kuqunywe ilizwe uzulu azibuse ezabelweni zeMatabeleland leNkabazwe kulokuthi kunikwe imali labo abalabazali ababulawa libutho leGukurahundi kumbe abalokhe belamengxeba ombhuqazwe lo.
Your browser doesn’t support HTML5
'Kangisoze Ngikhohlwe Okwenziwa Libutho leGukurahundi'
Kodwa uMnu. Believe Gaule webandla leZanu PF uthi isisekelo sombuso welizwe leZimbabwe sikubeka sobala ukuthi ilizwe leli libunjwe yizabeli ezingaphansi kukahulumende webandla kaMongameli Emmerson Mnangagwa.
Your browser doesn’t support HTML5
Ingxoxo Esiyenze LoMnu. Believe Gaule
UMnangagwa uthi usedinga imali yokuhlawula labo abakhahlanyezwa ngesikhathi sombhuqazwe weGukurahundi.