Ilizwe leZimbabwe selilungiselela ukhetho oluzakwenziwa ngoNtulikazi lonyaka. Amabandla aphikisayo athi kunengi okumele kwenziwe yikhomishini yeZimbabwe Electoral Commission ukwenzela ukuthi kuqhutshwe ukhetho olubalulekileyo lonyaka.
Okunye okuhlupha amabandla aphikisayo yikunganikwa ithuba lokukhankasa emsakazweni weZimbabwe Broadcasting Corporation lakumaphephandaba kazulu enjenge Herald.
Kodwa-ke kulabanye abantu abathi amabandla aphikisayo kawazwakali ukuthi afunani lonyaka njengoba emaqamuqamu njalo kukhanya engani kawalalutho lokukhanga ukuthi avotelwe nguzulu.
Ukuze sihlaziye udaba lolu, sixoxe loMnu. Edwin Ndlovu webandla lePeople’s Democratic Party loMnu. Burtler Tambo, ingcwethi kwezombusazwe ezimele yodwa.
UNdlovu uthi ikhomishini yeZEC kayenzi kahle kodwa-ke uTambo ubona engani ibandla leZanu PF lizanqoba kukhetho oluzayo.
Your browser doesn’t support HTML5
Okwenzakala Kwezokhetho: Lalela Ingxoxo le Eziyenze LoMnu. Edwin Ndlovu loMnu. Burtler Tambo