Iqula likahulumende elikhokhelwa ngumphathintambo wezabelo licetshiswa ngomanjinela lezinye ingcwethi, likhangelelwe ukuphuma lamacebo okulungisisa loluhlupho ngoLwesine.
WASHINGTON —
Uhulumende uthi uphakathi kokuhlolisisa udaba lokuthi ingcekeza egoqela eyesewage kanye lemithi echithwa ngamankampani amakhulu igelezela emfuleni uMguza, okubangela imikhuhlane ebantwini abasebenzisa amanzi la.
Iqula likahulumende elikhokhelwa ngumphathintambo wezabelo uMnu. Ignatious Chombo elihlolisisa loludaba, licetshiswa ngabomanjinela lezinye ingcwethi, likhangelelwe ukuphuma lamacebo okulungisisa loluhlupho ngoLwesine.
Kudingakala amadola ayizigidi ezingamatshumi amathathu ukuthi kulungiswe impompi ze sewage, zona esezindala njalo ezazakhelwe abantu abalutshwane.
Umsekeli kamayor wedolobho lakoBulawayo uKhansila Gift Banda ufakazile loludaba kuStudio 7, kodwa kasenelisanga ukusichasisela okunengi ngoba ephakathi komhlangano omkhulu owe Full Council Meeting yanyangazonke lezinye iziphathamandla zalelidolobho.
UMnu. Amen Mpofu, owayengumsekeli kamayor walelidolobho utshele uSithandekile Mhlanga weStudio 7 ukuthi ikhansili yalobela uhulumende ngaloludaba kungakabi lomonakalo omkhulu kodwa kayilutholanga uncedo lwemali eyayiludinga.
Iqula likahulumende elikhokhelwa ngumphathintambo wezabelo uMnu. Ignatious Chombo elihlolisisa loludaba, licetshiswa ngabomanjinela lezinye ingcwethi, likhangelelwe ukuphuma lamacebo okulungisisa loluhlupho ngoLwesine.
Kudingakala amadola ayizigidi ezingamatshumi amathathu ukuthi kulungiswe impompi ze sewage, zona esezindala njalo ezazakhelwe abantu abalutshwane.
Umsekeli kamayor wedolobho lakoBulawayo uKhansila Gift Banda ufakazile loludaba kuStudio 7, kodwa kasenelisanga ukusichasisela okunengi ngoba ephakathi komhlangano omkhulu owe Full Council Meeting yanyangazonke lezinye iziphathamandla zalelidolobho.
UMnu. Amen Mpofu, owayengumsekeli kamayor walelidolobho utshele uSithandekile Mhlanga weStudio 7 ukuthi ikhansili yalobela uhulumende ngaloludaba kungakabi lomonakalo omkhulu kodwa kayilutholanga uncedo lwemali eyayiludinga.
Your browser doesn’t support HTML5
Ingxoxo LoMnu. Amen Mpofu