Inkuthazo yokuthi amankazana asesikolo kumele atholiswe ama-sanitary pads okusebenzisa nxa esesikhathini kungela mbadalo iqhubeka isemilonyeni yabanengi.
Abanye ngasebekhuthaza uhulumende ukuthi athuthukise ezempilakahle njalo ekhuthaze abasakhulayo ukuthi baye ezibhedlela lemakiliniki ukuyadinga indlela zokulondoloza impilakahle yabo.
Emhlanganweni oqhutshwe ngeviki edluleyo eHarare, abanengi baveze ukudana okukhulu besithi amankazana esikolo, ikakhulu asemaphandleni acina engasayi esikolo nxa esesikhathini ngenxa yokuthi ayabe engelazo izinto zokusebenzisa.
Umbuzo esiwubuzayo namuhla ngothi kambe abasakhulayo bayazifinyelela ngokugcweleyo yini inhlelo zempilakahle.
"Yebo, kodwa kunzimanyana ngoba kulembadalo ekhona. Ngalokho abanengi kabayenelisi limbadalo," kutsho olwela amalungelo oluntu uNkosazana Linda Mpofu.
Your browser doesn’t support HTML5
Ingxoxo loNkosazana Linda Mpofu