Abemba igolide okungekho emthethweni abazakala ngokuthi ngogweja kumbe otsheketsha bakhala ezimathonsi eLegion Mine esiqintini seKezi emgodini ophansi kwenkampani yeTurfwall Mining Ptivate Limited, besithi bathwaliswe amagabha avuzayo yinkampani le.
Inengi labo likhala ngenkethabetshabi, ukuthengelwa igolide labo ngentengo ephansi, ukudilizelwa izindlu eziseduze lomgodi lo lokunye
Bazonde baganun’unwabu abemba igolide endaweni le abathi bagebha nzima igolide kodwa kabatholi lutho ngoba inkampani yeTurfwall kayibabhadali ngemfanelo. UMnu. Mzingaye Ncube ngomunye ogebha igolide emgodini lo lezinye indawo eziseduzane eziphansi kwenkampani le.
UNcube uthi, "Into ekhona lapha ayiqondakali yikho sesicina sikhuluma ukuthi abantu abasiphatha kubi abavela empumalanga abasebenzi laba abantu abasiphathi kuhle."
Inengi lithi iTurfwall Mining ibandlulula abantu abavela ezigabeni zeMatabeleland. UMnu. Mandla Sibanda yisakhamizi salindawo.
"Ngisebenza nzima angila mncedisi kodwa nxa sengisiya fika ngale egolideni bayangithathela ama percentage 35% ethathwayo abantu abavela eHarare asikwazi lokuthi bavela nga baqhatshana bona bodwa aMaShona wodwa then aMaNdebele aqhatshelwa phandle kubana ngani aMaNdebele yilabana abayabe bethunywa futhi phakathi kwaMaNdebele ngani kulo bandlululo ukuthi aMaNdebele asetshenziswe ngendlela angayisiyo."
Izakhamizi zakulindawo zithi abaphathintambo bomgoqi lamapholisa bayabakhahlameza bona bezama ukuziphilisa. UNkosazana Firstgirl Khumalo ulevinkili endaweni le.
UMaKhumalo uthi, "Thina Into esikhala ngayo uifreedom yethu ukuthi njoba ilizwe leli salilwela okhokho bethu balilwela sicela ukuthi lathi sijabule ma sisendaweni zethu isiphazaso esilaso yikho lapho esithola khona imali yokuthi sibonise ogweja into abayifunayo ukuthi bayasidilizela khona ekungeni kwabo asingeke sibelolwazi olujulileyo ngabo ngenxa yokuthi bathi indawo leyi bayi pegger yonke ingeyabo Masvingo yibo abanikazi bemine abantwana balapha sokuthwa sihambe."
Amazwi kaMaKhumalo agcizelelwa nguMnu. Meluleki Moyo othi kuzwisa usizi okwenziwa ngabanikazi bomgodi weLegion Mine.
"Umajaji yena kasela uyabe ngekho uyabethuma izisebenzi zakhe oNgwenya uNgwenya uyahlukumeza abantu kakhulu bathi sidilize imkhukhu sakhe izindlu ezinjenga zonezi but nxa usuyakhile sokuthwa uyakhe endaweni ewrong sokumele udilize suyakhile uyakwanisa ukuthi suyakhile usuqedile kumbe usuzifakele ama abuye afike dilize athi akukho emthetweni."
UMnu. Mduduzi Ncube odabuka eNkayi uthi selomnyaka egebha igolide kulindawo kodwa katholi lutho njalo umuzi wakhe uyachitheka.
UNcube uthi, "Land ngitshiye eyinye indlu isiwa ngithemba sebalekile sengilesikhathi eside 3 years ngingekho ekhaya sengisesaba khona ukufona nje hayi kumnyama khonale angazi ngiyatholani akungimangalisi noma ngingathola sokulinxuwa vele.”
Omunye wabaqondisi bomgodi weLegion Mine, uMnu. Happiness Majaji onguye osolwa kakhulu yizakhamizi labogweja besithi ulobandlululo, uyakulandula lokhu.
"That project is a community project umuntu engathola igodi lakhe indawo yokuthi agebhe he has to come and register with us but most of them bayagebha okungekho emthetweni," kutsho Mujaji.
Indawo le yeSun Yet Sen eKezi elomgodi lo ingaphansi kwenduna uNyangazonke othi akulamthetho omnika amandla okuvala iLegion Mine, okulabantu abahlala bemtshela ngokuphathwa kubi ngabaqondisi beTurfwall Mining.
"Ayikho into esi forcer ukuthi senze awukho umthetho umuntu uzaqatsha umuntu willy nilly ngendlela afuna ngayo but i think lakho general abantu bakithi have to benefit through into zani eze ama mining areas what are they doing for the schools to the clinics are they helping yini or bayathatha nje kuphela igold yikho ngisithi kuyabe kufuna abantu bathi sit down ama miners traditional leaders lama business people abantu bayakhe isigaba soneso."
Ngaphandle kwakho konke lokhu, kuyaliwa kakhulu kulindawo lapho otsheketsha abagamulana khona ngamabhemba. Amapholisa eSen Yet Sun athi ngenyanga ephelileyo kulomunye ubaba obulewe kubangwa indawo yokugebha igolide. UMnu. Devine Munkuli udabuka eBinga ugebha kulumgodi.
"Into esesayi khuthazanayo yikuthi njoba saza ukuzodinga imali so ma sesibulalana bengasivalela lapha siyasebenza nga yinto esiyabe sisaba ukuthi lawe uyatshela umakhelwane wakho lawe ubengu guide kamakhelwane wakho laye abengu guide wakho hayi mfowethu okunje akulunganga."
Baminyene njalo otsheketsha abakha izindlu ezidilizwa yikhansili ethi kazakhiwanga okusemthethweni. Uyakhala ugweja uMnu. Godfrey Nyathi othi kabatholi lamanzi kulindawo.
"Ama security athi qala ungikhombe ukwenzela ukuthi ube lamanzi abantu ababathandayo bafike babizele phakathi imikhuhlane isisiba minengi kakhulu ngenxa yokuthi bafostela abantu ukuthi bakhombe ngancono sincediswe yihulumende asinccedise ukuthi kanti yikuphila bani lokhu asikwazi kumbe kule tribalism."
Otsheketsha abasendaweni le abedlula inkulungwane bathi kumele uhulumende angenele ukwenzela ukuba besebenze ngcono njalo benelise ukuphandela imuli zabo impilo.
SEE ALSO:
Udaba Esilwethulelwe NguEzra Tshisa Sibanda