Umthethwandaba weNomination Court ngoLwesine wamukele amagama abantu abazancintisa kukhetho lwamaby-elections mhlaka 10 ngoNhlangula, abagoqela amalunga eMDC-T leMDC Renewal.
Amabandla womabili la anqume ukuthi kasoze angene kukhetho, esithi kumele kuguqulwe imithetho ephathelane lokhetho kuqala.
Ilunga leMDC Renewal uMnu Albert Mhlanga ubhalise ukuncintisa elilunga elizimeleyo ePumula koBulawayo njalo uMnu Njabuliso Mguni oweMDC-T ubhalise ukuncintisa eseLobengula.
Omunye wabazancintisa bezimele kulelidolobhe nguSizakele Ndebele. Ibandla leZapu lalo libhalise amabizo abazalimela koBulawayo abagoqela uMnu Strike Mkandla.
ETsholotsha uMnu Jonathan Moyo oweZanu PF uzancintisana labazimeleyo uMnu Busani Ncube loGetrude Sibanda.
Sixhume uMhlanga yena othi ungene kulolukhetho ngoba abantu besigaba sakhe bethe kumele angene.
Your browser doesn’t support HTML5
Ingxoxo loMnu Albert Mhlanga