Abadala bathi uthando kalulankawulo njalo kuhle ukukhathalelana, ebubini lebunandini.
Akulamuntu ongamisa uthando phakathi kwabantu abangamathe lolimi. Lokhu kusanda kwenzakala phakathi kwesizalwane seZimbabwe leseBhilithani abatshade omunye wabo esanda kuqunywa isindla yingwenya.
UNkosazana Zanele Ndlovu, oweqelwe yingwenya ehamba ngesikepe lesithathandwa sakhe, uMnu. Jamie Fox, utshade kulamalanga amahlanu esanda kulahlekelwa yisandla.
Ingwenya yamluma isandla yazama ukumcwilisa emanzini Emfuleni uZambezi walwisana layo kwaze kwangenele uFox lowayebatshengisa indawo zokukholisa emfulenil lo.
Izihlobo labangane ababemelele umtshado lo bengakwazi ukuthi uMaNdlovu uzakwehlelwa yilokhu, bebengacabengeli ukuthi ababili laba bazatshada njengoba omunye wabo ubesesibhedlela.
Kodwa ngokuthanda kukaNkulunkulu, kwenziwe amalungiselelo okuthi batshedela esibhedlela. Lokhu kwenzelwe ukuthi uMaNdlovu abonane lamadokotela engaqeda ukutshada loFox.
UFox uthabe umanzi te ngokutshada loMaNdlovu lobanje isithandwa sakhe saphose sadliwa yingwenya.
Your browser doesn’t support HTML5
UZanele Ndlovu Olahlekelwe Yisandla Utshada Esanda Kulunywa Yingwenya
Ukuze lizwe okunengi ngalokhu, ngenani ebulenjini bokuzilibazisa obeFacebook kukhasi leVOA Ndebele.