Kulejaha elalunywa yinyoka ngoLwesine ngeviki ephelileyo eselilamalanga ayisithupha lifele emgodini eLupane.
Izihlobo labomakhelwane bathi sokwehlule abacitsha umlilo (Fire Brigade) abavela eHwange lezinye indawo abazame ukungena emgodini lo ukuyakhupha isidumbu sikaSandile Mguni weMkarabule Village kuWard 12 eGomoza.
UMnu. Mphithizeli Khumalo, omunye walabo abahlala duzane lomuzi lapho uMguni afele khona, uthi akusaziwa ukuthi abantu benzeni ukwenzela ukukhipha isidumbu sakhe emgodini lo ongemva kwendlu yokuphekela.
Kasenelisanga ukukhuluma ngodaba lolu lamapholisa kanye labacitsha umlilo abedolobheni leHwange.
Abantu abanengi baphila ngokwemba igolide endaweni ezitshiyeneyo esabelweni seMatabeleland North ngenxa yokubhidlika komnotho welizwe leZimbabwe.
Abanye babo bacina bedilikelwa yimigodi bezama ukuphandela imuli zabo ukudla.
Your browser doesn’t support HTML5
UMphithizeli Khumalo Uthi Akwaziwa Ukuthi Uzakhitshwa Emgodini uSandile Mguni Oganyulwe Yinyoka Wabhubha