Abathenga bethengisa impahla bathi bathwele nzima ngenxa yokugugudeka komnotho okwenza abantu beswele imali yokuthenga impahla abayithengisa emigwaqweni.
Bathi lonyaka akuthembisi ukuba bazakwenelisa ukuphilisa imuli zabo. Sebephila ngentando kaNkulunkulu.
Omunye wabakhala ngokwenzakala emigwaqweni nguNkosazana Charity Mpofu othengisa impahla ayithenga kwele South Africa lakwamanye amazwe.
UNkosazana Mpofu uthi kwesinye isikhatha bathola imali engatsho lutho ngelanga.
UNkosikazi Doreen Selemani othengisa izigqoko lokunye enzikini yedolobho lakoBulawayo laye uthi kunzima lonyaka.
UNkozazana Ntombikayise Mlilo ukhala kakhulu ngokugugudeka komnotho welizwe kanye lezitolo zabantu bokuza.
Abanengi bathi kuzakuba nzima lonyaka ukuselela imuli zabo njalo kababoni umumo lo uguquka masinyane.
SEE ALSO:
Udaba Esilwethulelwe nguGibbs Dube