WASHINGTON DC —
Ibhanga elikhangelane lemisebenzi yokulima elizweni eleAgribank lithi ukuphiwa inhlanyelo kwabalimi kungela mbadalo nguhulumende kubenza bengabi lentshunkutshu yokulima ngamandla.
Isiphathamandla salelibhanga uMnu Sam Malaba utshele ikomidi yephalamende abona ngezokulima ukuthi abalimi abayabe bethethe izikwelede emabhanga yibo abalima ngamandla ngoba bekwazi ukuthi kumele bathole isivuno esizabalethela inzuzo ukuze babuyisele izikwelede zabo.
Uhulumende uqale ukwabela abalimi inhlanyelo lokunye okokulimisa kungelambadalo eminyakeni edluleyo njengendlela yokuthuthukisa uhlelo lwakhe lokwaba kutsha umhlabathi.
Kodwa inengi labantu abaphiwe umhlabathi lo lokhu lisehluleka ukulima ngemfanelo.
IAgribank ithi idinga izigidi ezilikhulu lamatshumi amahlanu zamadola-$150 million ukuze yenelise ukweboleka abalimi abadinga uncedo. Phakathi kwaleyo mali izigidi ezingamatshumi amahlanu zamadola-$50million lelibhanga elimele liyithole kuhulumende, lithi seliphiwe izigidi ezine-$4 million kuphela.
Umabhalane wezokulima kubandla leMDC-T njalo ehlala kukomidi yezokulima ephalamende uMnu Sam Sipepa Nkomo uthi uvumelana lokukhulunywa nguMalaba.
Isiphathamandla salelibhanga uMnu Sam Malaba utshele ikomidi yephalamende abona ngezokulima ukuthi abalimi abayabe bethethe izikwelede emabhanga yibo abalima ngamandla ngoba bekwazi ukuthi kumele bathole isivuno esizabalethela inzuzo ukuze babuyisele izikwelede zabo.
Uhulumende uqale ukwabela abalimi inhlanyelo lokunye okokulimisa kungelambadalo eminyakeni edluleyo njengendlela yokuthuthukisa uhlelo lwakhe lokwaba kutsha umhlabathi.
Kodwa inengi labantu abaphiwe umhlabathi lo lokhu lisehluleka ukulima ngemfanelo.
IAgribank ithi idinga izigidi ezilikhulu lamatshumi amahlanu zamadola-$150 million ukuze yenelise ukweboleka abalimi abadinga uncedo. Phakathi kwaleyo mali izigidi ezingamatshumi amahlanu zamadola-$50million lelibhanga elimele liyithole kuhulumende, lithi seliphiwe izigidi ezine-$4 million kuphela.
Umabhalane wezokulima kubandla leMDC-T njalo ehlala kukomidi yezokulima ephalamende uMnu Sam Sipepa Nkomo uthi uvumelana lokukhulunywa nguMalaba.