Ukungavumelani kwamabandla aphikisayo lezinye inkinga ezibekhona kumabandla phambilini kokhetho sokubangele ukuthi abanye abacunulwe yilokhu bancintise bezimele.
Ukuhlaziya loludaba sixoxe lomkhokheli webandla leMthwakazi Republic Party, uMnu. Mqondisi Moyo endawonye lozancintisa emele umanyano we MDC Alliance kukhetho lokudinga amalunga ekhansili eGwanda, uMnu. Bekezela Maduma Fuzwayo onguye osungul lingxoxo.
“In terms of inomiation konke kuhambe kuhle angizanga ngike ngibone ama problem, sikhangele abantu be ZEC indlela kade besenza ngayo umsebenzi, hayi akubanga le problem. Kodwa engukubonileyo ama problem esemabandleni wona angina kukhetho,” kutsho uFuzwayo.
Uthi kukhanya bekulokuphikisana okukhulu kubandla le Zanu PF lomanyano we MDC Alliance okubangele ukuthi abanengi bencintisi bezimele.
UMoyo yena uthi ebandleni lakhe bekungelnkinga, kodwa uhlupho badibane lalo eHwange lase Victoria Falls lapho amalunga abo kade esalelwa ukubhalisa ukungena kukhetho ngoba bethiwa balezikwelede zikamanisipala.
“Thina njengebandla asilahlupho olunjengalolu olukumabandla okuthiwa makhulu esizwezwa besithi balwela idemocracy kodwa asiyiboni ngoba basebenzisa ubuqili,” kutsho uMoyo.
Your browser doesn’t support HTML5
Udaba Silethulelwa Ngu Chris Gande