Ababili abetheswa icala lokuzama ukubulalala uMongameli Emmerson Mnangagwa ngokuphosa ugulunede enkundleni ye White City okwafa khona abantu ababili bamiswe emthethwandaba ngoMgqibelo kodwa kungelabantu abavunyelwe ukungena emthethwandaba we Western Commonage Magistrate’s Court ngoba kubikwa loludaba lulemfihlo ezingamelanga zivele emphakathini.
Ababili abetheswa lelicala ngabo windi bemitshova.
Osekumangalise abanye yikuthi uMongameli Mnangagwa wayethe ucabangela ukuthi ababezama ukumbulala abayisibo bako Bulawayo njalo bengaba bengabasekeli baka Nkosikazi Grace Mugabe.
Icala leli ebelikhangelelwe ukuthi lithonisiswe emthethwandaba weTredgold Magistrate Court licine lisiwa eWestern Commonage Magistrate court. Kutshone kulindwe ukuthi icala leli lithoniswe ilanga lonke laze laqala ukuthoniswa ilanga selizatshona.
Umantshi uMnu. Gladmore Mushowe uxotshele phandle intathelizindaba kanye lozulu ethi wonke umuntu aphumele phandle ngenxa yokuthi icala leli lilemfihlo ezingamelanga zivezwe emphakathini.
Abasolwa laba ngabesilisa, uMnu. John Zulu kanye loDouglas Musekiwa. Bethweswa amacala amathathu, aphathelane lomvukela, iinsurgency, banditry kanye le terrosism ngesilungu.
Izibotshwa lezi ngabantu kazana abangatshengiseli lwazi lokuzwisisa umlandu abawetheswayo. Umtshutshisi ucele umthethwandaba ukuthi izibotshwa lezi zigcinwe ejele njalo bathole imvumo yokukhangela omakhalekhukhwini babo ukuze bathole ubufakazi obugcweleyo.