Lokhu esiza amazwi endunduzo ngemva kokutshona kweNduna elodumo esigabeni seMatbeleland South uChief Vezi Maduna Mafu.
Abadabuka koGodlwayo bachaze umuyi njengeqhawe elingathandabuzwayo elalilwela ilungelo loluntu kusukisela ngempi yokukhulula eleZimbabwe langesikhathi sombhuqhazwe weGukurahundi lapho okwabulawa inkulungwane lenkulungwane zabantu basemhlubulweni weMandebele laseNkabazwe.
UMaduna obeyinduna yakoGodlwayo olodumo, otshone ngoMgqibelo odluleyo, ngemva kokugula okwesikhathi eside, ukhangelelwe ukungcwatshwa ngoLwesithathu.
Abanye babathumele amazwi enduduzo ngabenhlanganiso yabadabuka emangweni weFilabusi, ebona ngenhlelo zokuthuthukisa lesi siqinti, abasabalale umhlaba wonke, eye Godlwayo Development Trust bemelwe yisiphathamandla sayo, umnumzana Nkululeko Tshuma.
UTshuma utshele umsakazo weStudio 7 ukuthi balahlekelwe kakhulu ngokutshona kukaMaduna, ngoba kungumuntu owabasekela kakhulu lapho besungula inhlnaganiso yenzalo yakoGodlwayo.
“Siqoqa ukuyaba khona ekubekweni kukaBaba wethu, kodwa sizolandela zonke iziqondiso zokuzivikela kuCovid 19, ukugqoka amamask, ukungasondelani duzane laduzane isocial distancing, lakho konke okudingakalayo,” kutsho uTshuma.
Your browser doesn’t support HTML5
Ingxoxo loMnu. Nkululeko Tshuma ngokutshona kukaChief Maduna Mafa wakoGodlwayo