Inhlanganiso ekhangela indaba zokhetho iElection Resource Centre (ERC) ithi kulabantu abayingcosana ababhalisa ukuvota ngomnyaka ka2019.
Uphenyo olusanda kwenziwa yiERC luveza ukuba izabelo ezikhokhelayo ekubeni labalutshwana ababhalisileyo ngezibalisa iMatabeleland South leMashonaland West.
AbeElection Resource Centre bakhuthaza abekomishini ebona ngezokhetho eyeZimbabawe Elections Commission, amabandla ezombusazwe lenhlangansio ezizimeleyo ukuba ziqinise inhlelo zokufundisa abantu ngokuqakatheka kokubhalisa ukuvota ukuze ilizwe libe labantu abanengi abavotayo.
Esethula impumela yenhlolisiso abayenzileyo, uNkosikazi Sandra Musakasa isiphathamandla seERC, utshele intathelizindaba ukuba ekuxoxeni lozulu lapho beqhuba umsebenzi waloluphenyo, kuvele ukuba uzulu weZimbabwe usekhathele ngezombusazwe okuyinto edanisa inhlanganiso zamalungelo oluntu ngoba ukuvota kulilungelo likazulu.
“Kwakulabantu abalutshwane kakhulu. Kwezinye indawo kwakungela bantu ababhalisa ukuvota kuthi kwezinye indawo ezinjengabo Chegutu labo Sanyati sathola ukuthi kwakulabantu abalitshumi. Sahamba eMatabeleland North, Matabeleland South sathola ukuthi abantu abenelisa ukubhalisa ukuvota balutshwana.”
Unobhala webandla le MDC-T, uMnu Nixon Nyikadzino, uthi amabandla ezombusazwe
Umsekeli wommeli wemisebenzi yabatsha kuZANU PF, uMnu Mabutho Moyo, uthi bona benza konke okusemandleni abo ukukhuthaza uzulu ukuba abhalise ukuvota.
“Ngithemba abantu bakhangele okwenzakala olizweni. Kulithuba elihle ukuba abantu abatsha beqoqane bevotele ibandla le ZANUPF. Abantu beMDC sebehlulekile kumele bevotele iZANU PF.”
Uphenyo lolu luveze njalo ukuba abamabandla bakhuthalela ukukhuthaza abantu ukubhalisa ukuvota ngomnyaka wokhetho hatshi ngezinye izikhathi. Luveze njalo ukuba amacebo wonke anikezwa abekhomishini ebona ngezokhetho elizweni, eyeZEC ukuba balungisise amaphutha enzakala kukhetho luka 2018 lalamhla lokhu akakalungisiswa.
Kodwa umqondisi weZimbabwe Electoral Commission, uMnu. Utoile Silaigwana, uthi okwamanje imithetho ephathelane lokhetho ithi umuntu wonke kumele aye emawofisi abo ukuyabhalisa ukuthola ilungelo lokuvota.
Your browser doesn’t support HTML5
Bayingcosana Abantu Ababhalisela Ukuvota eZimbabwe