Abantu abanengi bananze usuku lokubhubha kuka Morgan Tsvangirai, owayekhokhela ibandla eliphikisayo eleMovement for Democratic Change (MDC) kulabanye abathi wayeliqhawe lamaqhawe.
Kodwa abanye bathi wabhubha engawufezanga umsebenzi wakhe okwenza ukuthi kubelokuxokozela kubandla leMDC njalo lelizweni.
Akade benanza usuku lolu bathi gwaqa eMucheke Hall eMasvingo obekulomkhokheli webandla leli, uMnu. Nelson Chamisa.
Ekhuluma emhlanganweni lo, uChamisa ubonge kakhulu konke okwenziwa ngumuyi esithi kumele uzulu alandele unyawo lwakhe.
UMnu. Believe Gaule, owebandla leZanu PF koBulawayo, umangalise abanengi ngokuncoma uTsvangirai.
“Ubengumuntu olozwelo lesihawu lokhu kwabonakala ngokuvuma ukuthi kusetshezwe ndawonye ngesikhathi sohulumende womanyano. Lapha ubaba uTsvangirai akhetha khona ukuthi lanxa kuthiwa abantu bengatshiyana ngombono kodwa abantu ngalesiyana isikhathi izinto zasezinzima kodwa yena wakhetha ukuthi kulungiswe udubo lwelizwe abengaphansi kukaMugabe abe nguPrime Minister esebenzela abantu ukuthi izinto zibahambele kuhle. Yinto sibili kakhulu engenza ukuthi ngimhloniphe njalo ngimkhumbule njalo ukuthi ubengumuntu olesihawu.”
Ukhansela Rodney Jele, oweMDC ekhokkhelwa nguChamisa, uthi ngesikhathi umuyi eyinhloko kahulumende waletha inguquko eyayisobala.
Your browser doesn’t support HTML5
Bakhumbula Umuyi uMorgan Tsvangirai