Ababalisi labazali bathi bakhathazekile ngempumela yemihloliso kaNhlangula eyeZimbabwe School Examinations Council kumbe iZIMSEC.
Ugatsha olubona ngokulotshwa kwemihloliso olwe-ZIMSEC lwazise ukuthi abafundi abaphumelele kumihloliso ye-Ordinary level bayisilinganiso sokune ekhulwini, 4.44% kuphela.
Inani labaphumelele kuzifundo ze-Advanced level lehle lisuka ku-75,89% laya ku-31,67%. Esazisa uzulu ngempumela le, umgcinisihlalo weboard yeZIMSEC, uMnu. Paul Mapfumo, uthe izifundi ezilobe imihloliso zingekho esikolo aziqhubanga kuhle.
Ugcizelele esithi kumele kulandelwe umthetho kahulumende othi izifundi zonke kumele zibe lempumela ekhanyayo eyeContinuous Assessment Learning Activities (CALA).
UMnu Thembakuye Moyo, isikhulumeli senhlanganiso yababalisi eyeAmalgamated Rural Teachers Union of Zimbabwe uthi impumela le iveza ukuthi kulodubo okufanele lulungisiswe kuhlangothi lwezemfundo.
SEE ALSO: Ingxoxo loMnu Thembakuye Moyo.wav