WASHINGTON —
Ingcwethi kwezamalungelo oluntu zithi inkokheli yakwele Zimbabwe kumele ilandela isisekelo sombuso welizwe sonke isikhathi ukuze abantu bekhululeke ngemfanelo.
Zithi kunengi okubi okwenzakale lonyaka abafisa ukuba kungenzakali ngomnyaka ka2024.
uMnu. Effie Dlela Ncube okunhlanganiso yeNational Consumer Rights Association uthi kwele Zimbabwe kwephulwa ilungelo loluntu mahlayana.
Kodwa uMnu. Malaki Nkomo okubandla leZanu PF uyakuphika lokhu esithi uhulumende kaMongameli Emmerson Mnangagwa ulandela isisekelo sombuso welizwe.
Ababona ngelungelo luluntu bathi kukhahlanyezwa abakumabandla aphikisayo, ikakhulu eleCitizens Coaltion for Change elikhokhelwa nguMnu. Nelson Chamisa hatshi abakubandla elibusayo.