Abantu ababili babikwa begijinyselwe esibhedlela eHarare kulandela ukugula kwabo okucatshangelwa ukuthi kubangelwe yimizamo yokufuna ukubulalala umsekeli kamongameli, uMnu. Emmerson Mungangwa ngetshefu ehofisini yakhe esesigodlweni sebandla leZanu PF.
Limizamo ivezwe ngumongameli Robert Mugabe ngoLwesithathu emkhosini wokukhetha abasekeli bakhe lamalunga edale le Politburo eHarare.
Umabhalane kaMnangagwa ebandleni, uNkosikazi Cathrine Magaya nguye obikwa esiwe esibhedlela kuqala ngemva kokuqaleka. UMagaya utshele iStudio Seven ukuthi uthe engena ehofisini wezwa ehotsha umoya onukayo njalo ephelelwa ngamandla wacina eqaleka.
UMagaya uthi njalo lokhu ayisikho kwakuqala ukuthi kube lemizamo yokubulala uMngangagwa esithi ngokwesithathu.
NgoLwesine umtshayeli lensoli basiwe esibhedlela bekhala ngokuthi baphelelwa ngumoya ngenxa yokungena emahofisini kaMnangagwa.
Kodwa ingcwethi ecubungula ezombusazwe, uMnu. Rejoice Ngwenya utshele uChris Gande weStudio Seven ukuthi ngenxa yezehlakalo ezifanayo esenzakale ngeminyaka edluleyo akusavumakali ukuthi lokhu kungaba liqiniso.
Your browser doesn’t support HTML5
Ingxoxo loMnu. Rejoice Ngwenya