Badabukile abantu abanengi ngokubhubha kuka Sihlangu Dlodlo obengumqondisi weqembu lenguqu eleHighlanders njalo obengumlingisi olodumo.
Bathithibele abantu abagoqela abasekeli beqembu leHighlanders, abalingisi, osomabhizimusi labanye abazi imisebenzi kaDlodlo, otholakale etshonile endlini yakhe eNketa 9 ngoMvulo.
Amapholisa, agamule umnyango wendlu yakhe ukuze abone njalo ethwale isidumbu sakhe, athi okwamanje ahlolisisa ukubhubha kwakhe.
Balile ukwethula okunengi ngodaba lolu. Omakhelwane baphelelwe ngokwehlele uDlodlo, owaloba umdlalo wokulingisa olodumo olesihloko esithi ‘Stitsha’, ebambisana lomuyi uContinueloving Mhlanga labanye. Abeqembu leBosso labo bathi baphelelwe ngokwehlele uDlodlo.
UMnu. Morgan Dube, unobhala jikelele weqembu leli, uthi kubadabule inhliziyo okwenzakale kuDlodlo obehlala yedwa.
"Mina udlodlo besi sebenzelana kakhulu imisebenzi eminengi yonke ayenzayo yimisebenzi eyayisenziwa ngu secretary we Highlanders kudala so ubevele esithi akwenzileyo ngibeleqiniso ngilala ngikwazi noma ngingekho eduze kwe wofisi. Highlanders lapha ilahlekelwe ibhora lilahlekelwe uDlodlo ubele Knowledge yebhora ubele knowledge and ngumuntu oke waba active kuma referees kuleli lizwe as such ngumuntu ololwazi."
Umngane wakhe omkhulu uMnu. Allan Mpofu nguye ohambe endlini yakhe ukuyamkhangela ngoba ubengasabambi omakhalekhukhwini wathola kukhiyiwe. Uthi uphelelwe
"We broke the window and then we saw his body in there vele having said that vele angikwazi unfortunately am sorry angikwanisi ukuthi ngikhulume izinto ezinengi vele l am unable ukuthi ngikhulume izinto ezinengi ngidabukile uDlodlo is part of me. I have lost not only half of my life but I have lost the whole of me."
Abalingisi labo bathi ukubhubha kuka Dlodlo kubethusile njalo abakwazi ukuba wehlelwe yini. UNkululeko Nkala uthi umadolonzima.
"UQhube thina abanengi bethu usikhulisile amanga mabi mina kimi kwezemidlalo ubeyi board member yami kufestival ibeefer eyenze kakhulu into ze art ngumuntu okade ekuxwayisa ngumuntu obethanda ukuhleka labantu ayi kubuhlungu amanga mabi uyazi lokhuyana okokuthi uyaswela amazwi ukuthi kanti njani kodwa kanti vele why."
UDlodlo wafundisa abalingisi abanengi kwezokulingisa lezemidlalo etshiyeneyo. UNkosazana Sithandazile Dube ngomunye abadlula ezandleni zika Mpangazitha.
"Ungubaba wabanengi abantwana abanengi vele bambiza baba ngubaba uSihlangu abanengi bambiza ubhudi uuSihlangu the way am feeling right now ngizwa obunye ubuhlungu obunzima ngani ngibhujelwe ngumnewethu owegazi engizalwa laye ngendlela ubudlelwana ebesilabo lobaba uSihlangu I remember ngibhala poem yami ulosikeyi it was two or three years back. USihlangu wanginika all the content about the poem konke poem yakhona khathesi ilohlonzi ivuthiwe ngolwazi engaliphiwa ngubaba Ddlodlo."
Umculi olodumo uNkosazana Nomathamsanqa ‘Nkwali’ Mkhwananzi wafundiswa ezokulingisa nguMbangazitha. Ukhala ezimathonsi.
"Silahlekelwe kakhulu silahlekelwe kakhulu singama artists akoBulawayo. Mina ngizatsho nje ukuthi kalale ngokuthula."
Umuyi ubethakazelela ezemidlalo yenguqu okwenza waqhatshwa liqembu leBosso ukuba abengumqondisi walo. Loba ubengathakazeleli okunye okwenziwa ngabonompembe, kodwa onompembe labo bathi badakukile emoyeni ngokwehlele uDlodlo. UBlessing Mpande ngomunye wabo.
"Utata uDlodlo ubengu muntu onakelela abanye abantu ngimkhumbula ngothando lwakhe ngomusa wakhe ubengu muntu olesihawu isihawu esingajayelekile emuntwini oyindoda ubengasomuntu ozifaka yena kuqala but ubefaka abanye bantu kuqala nzamkhumbula kakhulu ngomusa wakhe lango thando lwakhe."
Umdeni kaDlodlo uthi uzakwethula okunengi ngodaba lolu kusasa. Abezamabhizimusi, iziphathamandla zikahulumende, intathelizindaba labanye bathi bakhala lemmuli kamuyi okungakaziwa ukuba ubulewe yini. Abantu babuthene eMahatshula koBulawayo.