WASHINGTON DC —
Babone amayezi athwele othekwane ngaphambilini kokhetho baqolotsha abasekeli bamabandla aphikisayo benakana ukuthi lizulu elizagcwalisa imifula igeleze iyebachithela elizweni elilochago loluju olungapheliyo, eCanaan phela.
Yenziwa imihlangano ekhankasa amabandla la, besiya ngobunengi abasekeli bawo, ikakhulu abeMDC-T ukuyakuzwa izithembiso zomkhokheli wabo uMnu Morgan Tsvangirai.
Wawuthi ungabona kubomvu gebhu endaweni uhle wazi ukuthi kulomhlangano weMDC-T.
Ngakwelinye icele umkhokheli weMDC uMnu Welshman Ncube laye wagcwala ndawana yonke uthi ungabona kuluhlaza uhle wazi ukuthi ngezika Ncube.
Babesiza ngobunengi labo abasekeli bakhe emihlanganweni belethemba lokuthola izihlalo ezinengi edale lephalamende.
Kubasekeli bamabandla la, lalithwele othekwane lithembisa ukubulala kubemnandi kunjeya.
Kodwa lwenziwa lwedlula ukhetho kwasala kuyisi maye maye sokusobala ukuthi ababekubona njengamayezi ezulu kwakuyintuthu eveza ukutshabalala kwephupho labo leCanaan.
Okudanisayo kubasekeli laba yikuthi elakusasa lamabandla aphikisayo elizweni seliluvilibana, ikakhulu kulandela ukuxokozela lokulwisana osokuqhamuke kubandla leMDC-T.
Ngalokho ingcwethi kwezombusazwe uMnu Nkululeko Sibanda uthi wonke amabandla aphikisana leZanu PF kumele asebenze ndawonye nxa elakho ukususa iZanu PF embusweni.
La ngamazwi asekelwa yisiphathamandla seZapu uMnu Mark Mubaiwa yena othi amabandla aphikisayo acabanga ukuthi engangena embusweni engazange asebenzelane leZapu ayazikhohlisa.
Isikhulumeli seMDC kaNcube uMnu Nhlanhla Dube uthi ibandla lakhe seliqalisile ukulungiselela ukhetho luka2018 njalo uthi kungabakuhle ukuthi amabandla aphikisayo abone ngaso linye abambisane.
Kodwa ingcwethi zithi ukubambana kwamabandla la ikakhulu amacele eMDC kuzahlupha ngoba inengi lisithi uTsvangirai semele atshiye isikhundla ngoba seyehlulekile ukususa iZanu PF embusweni, osokudale ingxabano kubandla lakhe.
Lanxa kunjalo umsekeli wesikhulumeli seMDC-T uMnu Joel Gabhuza uthi licazimula okwenkanyezi eyabonwa yizinhlakaniphi zempumalanga ikusasa lebandla lakhe.
Kusegazini ukuthi ungabona isitha sakho sithwele nzima ujabule, kodwa ayisikho okwenzakala kwezinye iziphathamandla zeZanu PF nxa zikhangela ukunqotshwa kwamabandla aphikisayo kukhetho olwedluleyo.
Umkhokheli weZanu PF ephalamende uMnu Joram Gumbo uthi elizweni kumele kube lebandla eliphikisayo eliqinileyo ukuze ibandla elibusayo lisebenze ngamandla ngoba lisesaba ukuthathelwa umbuso.
Ngalokho uGumbo uthi iMDC kumele ikhangelisise lapho eyaphambanisa khona okwenza yanqotshwa ikulungisise.
Yenziwa imihlangano ekhankasa amabandla la, besiya ngobunengi abasekeli bawo, ikakhulu abeMDC-T ukuyakuzwa izithembiso zomkhokheli wabo uMnu Morgan Tsvangirai.
Wawuthi ungabona kubomvu gebhu endaweni uhle wazi ukuthi kulomhlangano weMDC-T.
Ngakwelinye icele umkhokheli weMDC uMnu Welshman Ncube laye wagcwala ndawana yonke uthi ungabona kuluhlaza uhle wazi ukuthi ngezika Ncube.
Babesiza ngobunengi labo abasekeli bakhe emihlanganweni belethemba lokuthola izihlalo ezinengi edale lephalamende.
Kubasekeli bamabandla la, lalithwele othekwane lithembisa ukubulala kubemnandi kunjeya.
Kodwa lwenziwa lwedlula ukhetho kwasala kuyisi maye maye sokusobala ukuthi ababekubona njengamayezi ezulu kwakuyintuthu eveza ukutshabalala kwephupho labo leCanaan.
Okudanisayo kubasekeli laba yikuthi elakusasa lamabandla aphikisayo elizweni seliluvilibana, ikakhulu kulandela ukuxokozela lokulwisana osokuqhamuke kubandla leMDC-T.
Ngalokho ingcwethi kwezombusazwe uMnu Nkululeko Sibanda uthi wonke amabandla aphikisana leZanu PF kumele asebenze ndawonye nxa elakho ukususa iZanu PF embusweni.
La ngamazwi asekelwa yisiphathamandla seZapu uMnu Mark Mubaiwa yena othi amabandla aphikisayo acabanga ukuthi engangena embusweni engazange asebenzelane leZapu ayazikhohlisa.
Isikhulumeli seMDC kaNcube uMnu Nhlanhla Dube uthi ibandla lakhe seliqalisile ukulungiselela ukhetho luka2018 njalo uthi kungabakuhle ukuthi amabandla aphikisayo abone ngaso linye abambisane.
Kodwa ingcwethi zithi ukubambana kwamabandla la ikakhulu amacele eMDC kuzahlupha ngoba inengi lisithi uTsvangirai semele atshiye isikhundla ngoba seyehlulekile ukususa iZanu PF embusweni, osokudale ingxabano kubandla lakhe.
Lanxa kunjalo umsekeli wesikhulumeli seMDC-T uMnu Joel Gabhuza uthi licazimula okwenkanyezi eyabonwa yizinhlakaniphi zempumalanga ikusasa lebandla lakhe.
Kusegazini ukuthi ungabona isitha sakho sithwele nzima ujabule, kodwa ayisikho okwenzakala kwezinye iziphathamandla zeZanu PF nxa zikhangela ukunqotshwa kwamabandla aphikisayo kukhetho olwedluleyo.
Umkhokheli weZanu PF ephalamende uMnu Joram Gumbo uthi elizweni kumele kube lebandla eliphikisayo eliqinileyo ukuze ibandla elibusayo lisebenze ngamandla ngoba lisesaba ukuthathelwa umbuso.
Ngalokho uGumbo uthi iMDC kumele ikhangelisise lapho eyaphambanisa khona okwenza yanqotshwa ikulungisise.