Usibalukhulu webhanga elikhulu lelizwe, iReserve Bank, uthi uhulumende sokumele agqibe uhlelo lwakhe lokwaba kutsha umhlabathi njalo etshiyane lokuxotsha abalimi abamhlophe amapulazini abo.
Esethula umbiko wakhe ophathelane lokusetshenziswa kwemali uMnu John Mangudya uxwayise njalo uhulumende ukuthi ehlawule abalimi abamhlophe abathathelwa amapulazi abo njalo ebone ukuthi kuba lokuhlaliseka emapulazini.
Uthe lokhu kuzabangela ukuthi ugatsha lwezokulima luthuthuke njalo kube lokuhlaliseka.
Kodwa iisphathamandla seMDC-T uMnu Abednico Bhebhe uthi kaboni uhulumende weZanu PF elandela amazwi kaMangudya.
“Amazwi la nxa uwalalele ungumuntu ongaziyo ukuthi uhlupho lweZimbabwe lusukela ngaphi ungathi ngamazwi amahle,” kutsho uBhebhe.
“Kodwa-ke nxa usukukhangelisisa, ukucubungula, kusobala ukuthi lawo ngamazwi akhuluywayo nje ngoba abantu bayagalula”
Your browser doesn’t support HTML5
Ingxoxo loMnu Abednico Bhebhe