WASHINGTON DC —
Amapholisa athi inani lamacala asedaliwe lonyaka lehlile ngesilinganiso sokulitshumi lane ekhulwini nxa kuqathaniswa lanyakenye.
Kodwa athi amacala okudlwengulwa kwamankazana akhwelile esuka ku-1,384 nyakenye afika ku-1,494.
Lokhu kuvezwe ngusikomitshi wamapholisa uMnu Augustine Chihuri ekhuluma emkhosini wokugqiba izifundo kwamapholisa eHarare ngoLwesine.
UChihuri uthe ukudlwengulwa kwabesifazana kumele kuphele. Usole njalo amalunge esonto yeJohane Masowe ngokutshaya amapholisa ngenyanga edluleyo.
IStudio Seven ixhume ilunga ledale lephalamende uNkosazana Thabitha Khumalo yena othi uzulu kumele abambane ekulwisaneni lamacala okudlwengulwa kwabantwana.