Inengi labantu eZimbabwe bathi ilanga leUnity Day alizange lilethe inguquko enkulu empilweni yabathinteka ngokufuthelana okwabakhona phambilini kokulotshwa kwesivumelwano esakhokhelela ekubekweni kwaleli langa njengekhefu, sokunanza inkuthazo yokulondolozwa kokuthula elizweni, ese Unity Accord.
Abadabuka emhlubulweni weMandebeleni leNkabazwe lokhe belokufuthelana okukhulu ngesivumelwano seUnity Accord esalotshwa ngomnyaka ka1987 phakathi kwebandla lePF ZAPU leleZANU emizameni yokumisa ukubulawa mahlayana kwabantu bakulumhlubulo libutho le5th Brigade.
Isakhamuzi sakoBulawayo uMnu. Mandla Tshuma uthi iUnity Day sekulikhefu ngebizo.
"Ilanga leUnity Day likhefu ngebizi ngoba iZAPU kade yaphuma kuZANU, lilanga nje elikhona abantu abakhumbuli ukuthi umhlaka 22 yiUnity Day."
Isikhulumi sebandla leMDC-Alliance uMnu Swithern Chirowodza uthi iUnity Day ayisazizi zizalwane zeZimbabwe.
"Ilanga leUnity Day alisizi bantu beZimbabwe lilanga lokuthokoza kukaMnangagwa, uMugabe lamalunga eZANU ngabakwenza kubantu beMaNdebeleni, lilanga lokuthakazelela ububi bukaMnangagwa leZANU ebantwini."
Omunye wabalwa impi yenkululeko uMnu Mathew Sibanda uthi iUnity Day yayingeyokubhula umlilo kuphela.
"Ilanga leUnity lilanga elahlelwa yokubambanisa abantu beZAPU leZANU iZPRA leZANLA kungeyokuqeda umbuqazwe weGukurahundi, asilubonanga uncedo lwelanga leli okwala lakhethesi akukhanyi ukuthi benzani lilanga eliqhubeza abanye besembusweni kuthi abalwela iizwe bedubeka."
NgoLwesithathu, uMongameli Emmerson Mnangagwa utshele umhlaba kunkulumo yakhe lesizwe, ngelanga leUnity Day ukuthi uhulumende wakhe wenza konke okusemandleni akhe ukubona ukuba isivumelwano esalotshwa zinkokheli zamabandla ePF Zapu leZanu, umuyi uMnu. Joshua Nkomo lowayengumongameli uMnu. Robert Mugabe ziyagcwaliswa.
Edabeni lweGukurahundi oluyilo olwadala ukuthi kulotshwe isivumelwano lesi uthe uhulumende wakhe wenza yonke imizamo yokululungisisa ukuze inhloso yokubekwa kwalelilanga ifezeke esithi abantu kababe lokubekezela njalo bazehlise njengalokho okwenziwa zinkokheli ezaloba isivumelwano sokuthula.
Your browser doesn’t support HTML5
Udaba lokunanza i-Unity Day siluphiwa nguAnnahstacia Ndlovu