Omunye wabasakhulayo abaxotshwe ebandleni leZanu PF ngoLwesine besetheswa icala lokudelela inkokheli yebandla uMnu Khumbulani Mpofu uyalilandula lelicala.
UMpofu uxotshwe ndawonye labanye ababalisa uGodfrey Tsenengami, uGodwin Gomwe, uVengai Musengi, uWashington Nkomo, uEdmore Samambwa loTamuka Nyoni.
Abasakhulayo laba baxotshwe kokuphela kuleli bandla lidale leZanu PF Politburo besetheswa icala lokweyisa uNkosikazi Grace Mugabe.
Umphathintambo obona ngendaba zababengabalweli bempi yenkululeko uMnu Chris Mutsvangwa lomkakhe bona bamiswe ukuba ngamalunga okweminyaka emithathu.
Bonke laba babikwa bekucele leZanu PF elisekela uMnu Emmerson Mnangagwa elizibiza ngokuthi yiTeam Lacoste.
Kodwa uMpofu ukulandule lokhu esithi akuxotshelweyo kakwazi.
"Engikuxotxhelweyo kahle-kahle angilalwazi ukuthi kungaba kuyini," kutsho uMpofu.
"Okokulwisana lokho angila bufakazi bakho ngoba lami angikaze ngihlangane lenyamazana okuthiwa yiTeam Lacoste. Angazi ukuthi kuyini."
Your browser doesn’t support HTML5
Ingoxo loMnu Khumbulani Mpofu