Inhlanganiso elwela ilungelo loluntu eyeAmnesty International ithi kumele eleZimbabwe likhulule uMnu. Job Sikhala osehlale entilongweni emelele ukuthoniswa icala lokutshotshozela udlakela okweminyaka phose emibili.
Inhlanganiso le yethule umbiko namuhla othi kuzwisa usizi okuvalelwa kuka Sikhala entilongweni. Idale leHigh Court lisanda kwesula esinye isigwebo esethulelwe uSikhala ngumthethwandaba weMagistrates Court owathi wayelecala lokukhuluma ukuthi uNkosikazi Moreblessing Ali owebandla leCCC wabulawa ngabalandeli bebandla leZanu PF.
UMnu. Gift Ostallos Siziva umsekeli wesikhulumeli sebandla leCCC uthi inhlanganiso yeAmnesty International iyitshaye ekhaleni.
SEE ALSO:
Ingxoxo Esiyenze LoMnu. Gift Ostallos SizivaSiphinde saxoxa ngodaba lolu loMnu. Malaki Nkomo owebandla leZanu PF othi imithethwandaba ikhangelelwe ukuba isebenze ngemfanelo njengoba ingaphathwanga libandla lakhe.
USikhala ligqwetha lika Nkosikazi Ali. Isidumbu sakhe sesilomnyaka lengxenye sigcinwe eChitungwiza Mortuary.