EleMelika lithi ukulwisana phakathi kwamabandla aphikisayo kubisela muva umzabalazo wombuso okhululekileyo eZimbabwe.
Umgcinisihlalo wekomidi ebona ngobudlelwano beMelika lamazwe eAfrica uMnu Chris Smith uthi ilizwe lakhe likhathazekile ngokulwisana kwamabandla aphikisayo ikakhulu ibandla leMDC eliqhubeka lihlephuka.
USmith wethule amazwi la ngeviki edluleyo ngemva komhlangano obuhlaziya ubudlelwano phathathi kweZimbabwe leMelika.
Uthe kuqakathekile ukuthi amabandla aphikisayo ekhulume ngazwi linye emizameni yokulwela umbuso okhululekileyo.
Amazwi akhe agcizelelwe nguDr. Brilliant Mhlanga yena othi akula lutho amabandla aphikisayo angalwenza ephumelele nxa edabukene ngendlela ayiyo kathesi.
Enye ingcwethi kwezombusazwe njalo engumsekeli webandla leZanu PF uMnu Morris Ngwenya uthi okuhluphayo ngeMDC yikuthi libandla lezikhothamandla, yikho nje bedlephana ngoba abazicabangeli.
Imizamo yokumanyanisa amacele eMDC esikhathini esedluleyo yehlule, njalo ukhetho luka2018 lusondela nje, akulathemba lokuthi amabandla aphikisayo la angamanyana.
Your browser doesn’t support HTML5
Udaba Lusethulwa nguNtungamili Nkomo