Umongameli Robert Mugabe usevume ukuba indlela ethengiswa ngayo ezenjjiwayo, ikakhulu ilitshe eliligugu, eledayimani, akuqutshwa ngendlela eqondilayo.
Esethula amazwi akhe wokugqiba umhlangano wezokuthengiswa kwamadayimani eHarare ngoLwesine, uMongameli Mugabe uthe imbangela yokungatholakali kwemigodi yamadayimani yikungasetshenziswa kwemitshina yakulezinsuku ekwenjiweni kwamatshe la.
Kunjalo nje, inhlanganiso ekhuthaza ukwabiwa kuhle kwenzuzo yamadayimani elizweni, iZimbabwe Natural Resources Dialogue Forum ithi imisebenzi yokwenjiwa kwamadayimani iqhubeka ingacaci kahle okubangela ukuthi uzulu engethembi amankampani emba leli litshe.
Umkhokheli walinhlanganiso, uMnu. Freeman Bhoso utshele iStudio Seven ukuthi bakhuthaza ukuthi uhulumende enze kubaluleke okwenziwa ngamankmpani emba amadayimani.
UChris Gande weStudio Seven uxoxe lengcwethi ecubunugula ezenotho, uMnu. Masimba Kuchera ochasisa imbono yakhe ngaloludaba.
Your browser doesn’t support HTML5
Ingxoxo loMnu. Masimba Kuchera