Umanyano wenhlanganiso zabasakhulayo oweNational Association of Youth Organizations ususole ukubotshwa kwabontanga beMDC-T kanye labafundi betshengisela eHarare ngeviki edluleyo.
Uthi ukuhlukuluzwa kwabasakhulayo lokhu yikwephula amalungelo abo njalo kubangela ukuthi besabe ukulwela amalungelo abo.
Abasakhulayo beMDC-T babotshwa ngesithi betshengisela besola umbuso kaMongameli Robert Mugabe njalo besithi kumele atshiye umsebenzi ngoba seyehlulekile.
Abafundi bamakolitshi bona babotshwe betshengisela phezu kwembadalo yemfundo besithi iphezulu kakhulu.
Osakhulayo weMDC-T, uMnu Mlandu Ncube, ongukhansila wakoBulawayo uthi lanxa abasakhulayo behlukuluzwa, akumelange besabe ukulwela amalungelo abo.
Your browser doesn’t support HTML5
Ingxoxo loMnu Mlandu Ncube
Amazwi kaNcube agcizelelwe ngomunye osakhulayo uNtando Sibanda yena othe uhulumende kumele atshiyane lokuhlukuluza ontanga.
"Amapholisa lawo kumele atshiyane lobudlova," kutsho uMnu Sibanda.