Amapholisa eMutare achithe umhlangano wenhlanganiso yePeace Building Network of Zimbabwe esithi ayiphiwanga imvumo yokuqhuba lumhlangano
WASHINGTON —
Amapholisa eMutare achithe umhlangano wenhlanganiso elwela ilungelo oluntu eye Peace Building Network of Zimbabwe obuphathelane lokuxolelana ngoLwesithathu esithi inhlanganiso le ayiphiwanga imvumo yokwenza lokhu.
Abakade bekulo umhlangano babuthwe basiwa eMutare Police Station lapho ababikwa betshelwe ukuthi yonke imihlangano eMutare ephathelane lezombusazwe isivinjiwe kuze kudlule isikhathi sokhetho.
Kodwa isiphathamandla samapholisa eMutare uInspector Enock Chishiri ubikwa esithi kazi lutho ngaloludaba.
Umongameli Robert Mugabe ukhangelelwe ukuba lemihlangano yokukhankasela ibandla lakhe leZANU PF kulesisigaba ngoLwesihlanu.
Amabandla ezombusazwe ahlezi ekhonona ngokuthi ayalelwa ukuqhuba imihlangano ngamapholisa kwezinye izigaba zelizwe ngaphansi komthetho we POSA.
UMnu. Effie Dlela-Ncube, umgcinisihlalo womanyano we NANGO, utshele uSithandekile Mhlanga weStudio 7 ukuthi balungiselela ukukhweza zonke izehlakalo ezifana lalezi emthwethwandaba.
Abakade bekulo umhlangano babuthwe basiwa eMutare Police Station lapho ababikwa betshelwe ukuthi yonke imihlangano eMutare ephathelane lezombusazwe isivinjiwe kuze kudlule isikhathi sokhetho.
Kodwa isiphathamandla samapholisa eMutare uInspector Enock Chishiri ubikwa esithi kazi lutho ngaloludaba.
Umongameli Robert Mugabe ukhangelelwe ukuba lemihlangano yokukhankasela ibandla lakhe leZANU PF kulesisigaba ngoLwesihlanu.
Amabandla ezombusazwe ahlezi ekhonona ngokuthi ayalelwa ukuqhuba imihlangano ngamapholisa kwezinye izigaba zelizwe ngaphansi komthetho we POSA.
UMnu. Effie Dlela-Ncube, umgcinisihlalo womanyano we NANGO, utshele uSithandekile Mhlanga weStudio 7 ukuthi balungiselela ukukhweza zonke izehlakalo ezifana lalezi emthwethwandaba.
Your browser doesn’t support HTML5
Ingxoxo LoMnu. Effie Dlela-Ncube