Ibandla leMovement for Democratic Change (MDC) elikhokhelwa nguMnu. Nelson Chamisa lithi amapholisa lokhu engavumi ukuthi benze imihlangano etshiyeneyo eZimbabwe.
Kulemihlangano emibili obekumele yenziwe ngamalunga ebandla leli ngempelaviki kodwa amapholisa athi kawasoze enelise ukuya emihlanganweni le ngenxa yokuthi kunengi akwenzayo. Ibandla lemdc lisanda kwethula umbiko othi amalunga alo azatshengisela emigwaqweni engacelanga imvumo emapholiseni.
Isikhulumeli samapholisa uSenior Assistant Commissioner Paul Nyathi uthi kabavimbi imihlangano yebandla leli.
Kusenjalo, unobhala jikelele webandla leli, uMnu. Charlton Hwende, owetheswa icala lokufuna ukugenqula uhulumende kaMongameli Emmerson Mnangagwa, ukhangelelwe ukuthi uzamiswa emthethwandaba ngoMvulo.
UHwende, obesemthethwandaba ngoLwesihlanu, ucatshangelwa ukuthi watshotshozela abantu ukuthi batshengisele emigwaqweni nyakenye bekhonona ngokukhuphulwa kwentengo yamafutha ezimota. Uyaliphika icala leli.
UMnu. Prince Dubeko Sibanda, olilunga lebandla leMDC njalo omele iBinga North edale lephalamende, uthi useliphelelwe ngumphako uhulumende kaMnangagwa.
Your browser doesn’t support HTML5
Amapholisa Avimba Imihlangano Yebandla leMDC
UMnu. Dingumuzi Phuthi, omele iBulilima West edale lephalamende, uthi abalandeli bebandla leMDC bakhala bengatshaywanga.
Your browser doesn’t support HTML5
Amalunga Ebandla leMDC Akhala Engatshaywanga
Abezomvikela babulala abantu abambalwa ngomyaka ka2018 lanyakenye kulandela ukutshengisela kukazulu emigwaqweni ekhonona ngokuphuza kokwethulwa kwempumela yokhetho kanye lokukhuphulwa mahlayana intengo yamafutha ezimota.