Abezindaba abeReuters babika ukuba kulabantu abathathu ababulewe ngamapholisa eMaputo kweleMozambique ngesikhathi betshengisela emgwaqweni besola impumela yokhetho olwaqhutshwa kunyanga ephelileyo, okwanqoba osengumongameli uMnu. Daniel Chapo webandla leFrelimo.
Kubikwa ukuba abanye babo babotshiwe njalo uhulumende usecele ibutho ukuthi lingenele.
Akwaziwa ukuba kuzakwenzakalani kulelolizwe okulabaphikisayo abathi kababuyeli emuva loba kulabanye ababulawa ngamapholisa.
Sebefika phose itshumi lanhlanu asebebulewe kweleMozambique kulandela ukuqhutshwa kokhetho lolu okuthiwa lwaphekwaphekwa libandla elibusayo.
EleZimbabwe letsheswa umlandu wokungenela kukhetho lolu. Kodwa uhulumende kaMongameli Emmerson Mnangagwa uyakuphika lokhu.
Ukuhlaziya loludaba, sixoxe loMnu. Effie Dlela Ncube olwela ilungelo loluntu ekunhlanganiso yeNational Consumer Rights Association.
UNcube uthi abantu bakweleMozambique balelungelo lolutshengisela uma bengavumelani lokwenzakala kulelolizwe.
SEE ALSO:
Ingxoxo Esiyenze loMnu. Effie Dlela Ncube