Ukusungulwa kwamankampani awendizamtshina kwele Zimbabwe sekulethe injabulo kwabanye ngoba ehlawulisa imali ephansi kakhulu.
Kodwa lokhu sekudale imibuzo ethi amankampani la kawasoze avalwe na njengalokho okwenzakala kwamanye awake abakhona afana labo Fly Kumba le Zex lawo ayebhadalisa imali ephansi kakhulu.
Amankampani amatsha la alezigodlo zawo eSouth Africa kunye le Tanzania. IFly Africa sikhuluma nje kayisela layisensi ngemva kokwetheswa icala lokususa imali elizweni okungekho emthethweni.
Kodwa linkampani ithi izaqhubekela phambili kunsukwana ezilandelayo. Amankampani womabili asenelisanga ukukhuluma lawo ngemva kokuba ethe silobe phansi imibuzo kodwa ebelokhu engaphendulanga sisiya emoyeni.
Ukusuka eHarare umuntu esiya eVictoria Falls ngendizamtshina ye Fastjet ngamadola angamatshumi phose amane, $38 kodwa ngendizamtshina ye Air Zimbabwe kuba ngamadola alikhulu, $100 kumbe $170.
UChris Gande weStudio 7 uxoxe lengcwethi ecubungula ezenotho, uMnu. Masimba Kuchera othi inzuzo kwezomnotho welizwe izatholakala ngemva kwesikhathi.
"Okwakathesi asisoze sibone umehluko kodwa nxa lamankampani engaqhubeke okweminyak emibili kuzabonakala umehluko," kutsho uKuchera.
Your browser doesn’t support HTML5
Ingxoxo loMnu. Masimba Kuchera