Abamabandla ezombusazwe abakusivumelwano seGlobal Political Agreement bakhangelelwe ukuhlangana lenhlanganiso ye United Nations Devevelpment Programme- UNDP ngolweSibili ngenjongo yokulobelana phansi isivumelwano esitsha esimayelana ngokuphathiswa kohlelo lokulotshwa kwesisekelo sombuso esitsha ngemali.
I UNDP yiyo ephathisa loluhlelo ngemali. Kulesivumelwano esilotshwe phansi phakathi kwe UNDP lomphathintambo obona ngesisekelo sombuso uMnumzana Eric Matinenga, kodwa abagcinisihlalo bephalamende abathathu ababona ngohlelo lolu babaikwa besithi abasuthiseki ngesivumelwano lesi, ngakhoke ngolweSibili kuzalotshwa isivumelwano esitsha.
Ngemva kwesivumelwano lesi sokuzacacake ukuthi laba abafundele ukuyathatha imibono kazulu sebezaphuma nini, kuqoqwe lendawo lapha abazakuyahlangana khona lozulu.
Omunye wabagcinisihlalo laba , uMnumzana Edward Mkhosi utshele lumsakazo ukuthi uhlelo lokuyathatha imibono kazulu luzaqalisa kunsukwana ezilandelayo.
UBrenda Moyo weStudio 7 uxhume umeli wesigaba se Bulilima West edaleni lephalamende, uMnumzana Moses Mzila Ndlovu, othi uzulu kumele aphakamele phezulu afake imibono yakhe kusisekelo sombuso esitsha.
